आषाढ महिनाको राशिफल

२०७२ साल आषाढ महिना भरिको राशिफल 

©ज्योतिषाचार्य पं.बासुदेब अधिकारी

 दुर्गा ज्योतिष सेवा केन्द्र 

माछापोखरी काठमाडौँ 

९८५११७५०४७

skype online.jyotish1 

                                        

मेष (चु, चे, चो, ला, लि, लु, ले, लो, अ) Aries :

मेष राशि हुनेहरुको लागि आषाढ महिना निकै सफल रहनेछ,विशिष्ट मान सम्मान पाइनेछ,
तपाईले गरेका कामको सहि मुल्यांकन हुनेछ भने पुरस्कृत र सम्मानित भइनेछ,पराक्रम बढ्नाले जटिल कामहरु पुरा गर्ने शक्ति बढ्नेछ,मनमा रहेका डरहरु हट्नेछन,सामाजिक र राजनैतिक क्षेत्रमा पनि तपाईको बर्चस्व बढ्नेछ,स्वास्थ्यमा सुधार आउनेछ,लेनदेनमा चनाखो रहनु होला, नजीकका आफन्तहरु बाट अन्तर्घात हुन सक्ने देखिन्छ,सरकारी सेवामा प्रवेश गर्ने सु-अवसर पनि मिल्नसक्ने देखिन्छ,बिद्यार्थी बर्गको लागि सामान्य फलदायी महिना बन्नेछ,महिनाको अन्त्य तिर रमाइलो यात्राको अवसर जुट्नेछ।  

वृष (इ, उ, ए, ओ, वा, वि, वु, वे, वो) Taurus :

पारिवारिक समस्याले सताउनेछ,आफ्नै स्वास्थ्यमा आउने प्रतिकुलताले काममा समय दिन नसकिने अबस्था आउन सक्छ,बिशेषत आखा र कान सम्बन्धि समस्याले पिरोल्न सक्ने देखिन्छ,धनमाल हराउन वा चोरि हुन सक्ने सम्भाबनालाइ नकार्न सकिन्न, आफ्नो थैलो सुरक्षित राख्नु नै बुद्धिमानि हुनेछ,सामाजिक मान प्रतिष्ठा बढ्नेछ,बोलीमा आउने कमजोरीले आफन्त तथा साथीभाई तर्कन सक्छन,सवारी साधनले खर्च बढाउनेछ,पढाइमा रुची बढेतापनि व्यक्तिगत कमजोरीले सुचारु गराउन कठिनाइ आउनेछ, ब्यबसायिक रुपमा भने महिना बिशेष सफल बन्न सक्ने देखिन्छ।

मिथुन (का, कि, कु, घ, ङ, छ, के, को, हा) Taurus :

रिस बढेता पनि प्रेम सम्बन्धमा भने सुमधुरता नै देखिनेछ,टाढिएका प्रियसीहरु संग पुनर्मिलन हुनेछ,आत्मबलमा कमि आउनाले काममा सक्रिय सहभागिता बढाउन सकिने छैन,समयमा सहि निर्णय लिन नसक्दा हात लागेको सफलता फुत्कन सक्नेछ,पारिवारिक सम्बन्धमा कमजोरी देखिएता पनि दाम्पत्य सम्बन्ध अझै सुमधुर बन्नेछ,खेलकुदमा सहाभागी र घुमफिरमा सरिक हुने अबसर मिल्नेछ,पढाई लेखाइमा मन लाग्नेछ, स्मरण शक्तिमा भने कमि आउन सक्छ,सरकारी सेवामा रहनु हुनेहरुको लागि महिना सफल रहनेछ,पदोन्नतिको अवसर मिल्नेछ, महिनाको अन्त्यमा पदस्थापन हुन सक्नेछ।

कर्कट(हि, हु, हे, हो, डा, डि, डु, डे, डो) Cancer :  

कर्कट राशि हुनेहरुको लागि आषाढ महिना खासै फाइदा जनक देखिन्न,स्वास्थ्यमा कमजोरी आउनेछ भने सवारी साधन र निर्माण कार्यमा लाग्नु हुने मजदुरको लागि दुर्घटना र चोटपटकको भय देखिन्छ,साबधानी पुर्बक काममा लाग्नुहोला,बैदेशिक यात्रामा हैरानी खेप्नु पर्नेछ भने भएका यात्रा पनि खासै फलदायी हुन नसक्लान,बौधिकतामा निखारता आउनाले दिर्घकालिन प्रभाब पार्ने किसिमका काममा सफलता हात लाग्नेछ,पढाइ लेखाइ र साहित्यिक पाटो भने सफल रहने देखिन्छ,प्रतिस्पर्धा गर्नु परेता पनि मान सम्मान र पुरस्कार पाइने अवसर मिल्नेछ, निकै चालाखी पुर्बक अगाडी बढ्नु होला।

सिंह (मा, मि, मु, मे, मो, टा, टि, टु, टे) Leo :

आकस्मिक लाभ मिल्नेछ,नोकरीमा प्रागतिको शुभ संकेत देखा पर्नेछ,बिशिष्ठ कामको दायित्व निर्बाह गर्नु पर्ने अवसर जुट्नेछ,आफन्त तथा साथि भाइको सहयोग प्रशस्त मिल्नेछ, सामाजिक र राजनैतिक रुपमा यो महिना निकै महत्वपूर्ण रहनेछ,राजनीतिमा रहनु हुनेको लागि उच्चपद्को प्राप्ति हुने समय देखिन्छ,पढाईमा सफलता मिल्नेछ भने अझै अगाडी बढ्ने आत्मा बल र हौशला बढ्नेछ,परिवारमा मान्गलिक कार्यहरु सम्पादन हुन सक्छन,सन्तानबाट सुख प्राप्ति हुने समय रहेको छ, मनोरन्जानात्मक भेटघाटमा रमाउने समय देखिन्छ,बुध्दिपुर्बक अगाडी बढ्न सके यो महिनामा ठुलो सफलता हात लाग्नेछ।

कन्या (टो, पा, पि, पु, ष, ण, ठ, पे, पो) Virgo :

राज्यले तपाइको उचित सम्मान गर्नेछ,सहयोगी र अनुयायीहरु बाट सकारात्मक सहयोग मिल्नेछ, ब्यापार तथा व्यवसायमा उल्लेख्य सफलता हात लाग्नेछ,मान सम्मानमा वृद्धि हुनेछ भने तपाइले गरेका निर्णयहरु सामाजिक रुपमा निकै प्रगति दिने किसिमको रहनेछ, दिन दुखिलाई सहयोग गर्न पाउदा मनमा आनन्दको आभास हुनेछ,नोकरीमा पदोन्नती हुनेछ, विदेश यात्राको सम्भाबना देखिन्छ भने अहिलेको विदेश गमन निकै फलदायी साबित हुनेछ,मनोरंजन र विलासिताको क्षेत्रमा मन रमाउनेछ,पढाइ लेखाईमा धेरै सुधार आउनेछ भने ठुलो सफलता हात लाग्नेछ,स्वास्थ्यमा सुधार आउनाले शारीरिक क्षमता बढ्नेछ।

तुला (रा, रि, रु, रे, रो, ता, ति, तु, ते) Libra :  

मुद्दमामिलाले सताउन सक्ने देखिन्छ,गुरु पिता र अन्य मान्य जनसंगको सम्बन्धमा कमजोरी देखिनेछ, सल्लाह सुझाब र आसिर्बाद लिएर अगाडी बढ्नु हितकर हुनेछ, संचित धनको नोकसानी हुनेछ भने स्थिर धनको क्षय हुन सक्ने अबस्था छ, धैर्यता टुट्नाले काममा असफल बढी हुनु पर्ने देखिन्छ,मनलाई दरिलो बनाएर अगी बढनुहोला,गलत निर्णयले गर्दा सामाजिक बिस्वास गुमाउनु पर्ने तर्फ होसियार रहनुहोला,शैक्षिक क्षेत्रमा भने सोचे अनुरुप सफलता हात लाग्नेछ,धार्मिक यात्रा संगै समाज सेवामा लाग्ने अवसर मिल्नेछ,खानपानमा बिशेष चनाखो रहनु पर्नेछ,दुर्घटनाको योग पनि देखिन्छ ।

वृश्चिक (तो, ना, नि, नु, ने, नो, या, यि, यु) Scorpio :

आर्थीक अभाबले पिरोल्न सक्छ,सरकारी काममा हैरानी व्यहोर्नु पर्नेछ भने प्रतिफल शुन्य रहन सक्छ,दुर्घटनाको सम्भाबना अधिक रहेकोले बिशेष जरुरि काम बाहेक यात्रामा ननिस्कनु राम्रो हुनेछ,आफन्त संगको सम्बन्धमा तिक्तता आउनेछ,रिस बढ्नाले काममा अबरोध ल्याउन सक्छ, निर्णायक भूमिकामा कमजोरी देखिनाले आलोचना आउन सक्ने अबस्था छ,दाम्पत्य तथा प्रेम सम्बन्धमा कमजोरी आउनेछ,सहनशिलताको शक्ति घट्नाले दुखको बढी अनुभूति हुनेछ, ब्यबसायिक रुपमा लगानी गर्दा निकै सुझबुझ पुर्बक गर्नुहोला,एकल ब्यबसाय भन्दा सहाकर्यमा गरिने गरिने व्यवसायमा लाभ मिल्नेछ।

धनु (ये, यो, भा, भि, भु, धा, फा, ढा, भे) Sagittarius :

कलाकारिता र खेलकुद क्षेत्रमा पदक र प्रतिष्ठा मिल्नेछ, सन्तानको प्रगतिले मनमा शुखको अनुभूति दिलाउनेछ, नोकर तथा सहयोगीको साथमा परिपक्कता आउनेछ, पेट सम्बन्धि समस्याले सताउन सक्छ,खानपानमा आउने असावधानी कै कारण बिबिध प्रकारका शारीरिक समस्याहरु देखिन सक्छन, गुप्त रोगको भय देखिन्छ, पारिवारिक स्वास्थ्यमा पनि कमजोरी आउन सक्ने देखिन्छ, संयमित भएर निर्णय लिन सकेमा ब्यबसायिक क्षेत्रमा भने ठुलो छलांग मार्न सकिनेछ, विदेशको यात्रा फलदायी बनाउन सकिनेछ,कृषि तथा पशु पंक्षीको क्षेत्रमा गरेका लगानीले अपेक्षा  भन्दा केहि ढिलो फल दिनेछ।

मकर (भो,जा,जि,खि,खु,खे,खो,गा,गि) Capricorn:

मकर राशि हुने हरुको लागि समय निकै फलिफाप पूर्ण रहनेछ,रोकिएका कामहरुमा सफलता मिल्नेछ भने ऋणबाट केहि हद सम्म छुटकारा पाइनेछ,शत्रु बढेता पनि समाजमा तपाइको सकारात्मक प्रभाब बढ्नाले सहजै परास्त गर्न सकिनेछ,अरुले निक्सानी पुर्याउन सक्ने अबस्था छैन,शरीरमा स्फूर्ति बढ्नेछ भने रोग ब्याधिमा कमि आएको महसुस गर्नुहुनेछ,मुद्दा मामिलाको झन्झट आइलाग्नाले कममा बिलम्ब गराउन सक्नेछ भने कुशलता पुर्बक बुद्धि प्रयोग गर्नु भएमा कानुनि पाटोमा सफलता हात लाग्नेको समय बलियो देखिन्छ, तपाइको बौद्धिकताको अरुले खुलेर प्रशंशा गर्नेछन, पारिवारिक र दाम्पत्य सम्बन्धमा भने कमजोरी आउने देखिन्छ  ।

कुम्भ (गु, गे, गो, सा, सि, सु, से, सो, दा) Aquarius :

सरकारी झमेलाले सताउनेछ,अरुले गरेका दुष्कर्मको  शिकार भइएला,शरीरमा जाँगर घट्नेछ भने अस्वस्थताले सताउन सक्ने देखिन्छ, काममा समय अनुकुलता बनाउन नसकिएला,हतार गर्नाले काममा भद्रगोलको स्थिति नआउला भन्न सकिन्न,आफन्त तथा साथीभाइको सहयोग प्रशस्त मिल्नेछ,पढाइ लेखाइको क्षेत्रमा उल्लेख्य सफलता हात लाग्नेछ,सन्तान तथा अनुयायी बर्गको सहयोग र साथ पाइनेछ,प्रेम प्रशंगमा खल्लोपनको आभास हुनेछ,महिनाको अन्त्य तिर आर्थिक अबस्थामा सुधार आउनेछ,गर-गहना तथा अचल सम्पति जोडिनेछ,जग्गा जमिनको क्षेत्र बाट लाभ उठाउन सकिनेछ  ।

मीन (दि, दु, थ, झ, ञ, दे, दो, चा, चि) Pisces :

पारिवारिक समस्याले थप सताउनेछ,बिशेष गरि माता पिताको स्वास्थ्यमा आउने प्रतिकुलताले दौड-धुप बढी गर्नु पर्ने हुनसक्छ,आफ्नै असावधानीले हात आइपरेका अवसर खेर जान सक्छन, खराब व्यक्तिहरु संग मित्रता गास्न सकिने सम्भावना रहेको छ, राम्रो संग चिनेर मात्र सहकार्य गरे फलिफाप हुनेछ,सामाजिक मान हानि हुन सक्छ भने राजनीतिमा आफ्नो प्रभुत्व घटन सक्ने अबस्था आउन सक्छ,स्वास्थ्यमा जटिलाता आउन सक्ने देखिन्छ,देश बाहिर बस्नेहरुको लागि उचित समय देखिन्न नंया काम थालनी गर्न खासै उपयुक्त महिना छैन,जग्गा जमिन र पशु जन्य व्यवसायमा भने ठुलो सफलता हात लाग्नेछ।